ما بيصير ترفعي صوتك، انتِ بنت!

عبارات منتشرة بكثرة و ليس عليها حساب ولا رقيب!

نبدأ من : عيب – تحكيش – اخرسي – انضبّي – انطمّي – تتدخليش

– امتى تتجوزي و ارتاح من لسانك …

-معنترة – شهوة – بطريقة اللبس هاي و بدون مكياج، عمرك ما راح تنفقي (ع أساس انها بسكوتة)

– صوتك عليان ولسانك طولان و بدو قص

– ما جابت ولد !!! جابت بنت… الحيوانة الّا تتطلّق

– استغفر الله العظيم منكن

– تقرري؟؟؟ بدك تفضحينا؟ أبوكِ صار معطي كلمة

– تسافري؟ عشان تعرفي تصاحبي براحتك يا فاجرة؟

– بتعرفي اذا بسمع انك رجعتي بعد ال 8 شو بسوي فيكِ ؟؟؟

– ممنوع تحكي نكت مع الشباب، انتِ بنت !

– ممنوع تشتغلي ممثّلة، شو يقولو عنّا ما عرفنا نربيكِ؟؟؟

– ما بيصير ترفعي صوتك، انتِ بنت!

– شووو؟؟؟؟؟ تغنّي ؟؟؟؟؟ يا رب ارحمنا

– بتحبّيه؟؟؟ يارب تموتي ولا يسمعك أبوكِ

– يا الله ما أشنع أواعيها…مقرفة – شفتي طنورتها؟ مش مستحية ع دمها – ولك بتدخّن !!!!! عن جد البنات بطّلو يستحو

– ادرسي ادرسي….آخرك المطبخ و الحفاضات

– شوف القحبة طالعة عالتلفزيون ولا في أهل يضبوها

– هه بتشتغل في السياسة…مسترجلة يعني

– موسيقية قال !!! البنت ما الها مستقبل بالفن، بالآخر بتصفي شالحة وتعرض في حالها

-جوّزوها عالسريع بلاش تفضحكم

– شو بتحكي؟؟؟؟؟؟؟ انتِ مسيحية-مسلمة غصب عنك,ما عنا بنات تغير دينها و تفضحنا,,بكفيش لا بتصلي و لا بتعملي اشي لربك…كمان بتقولي انك ملحدة؟؟!!

– حطي ع راسك يا حيواانة

– فضيحة

– ضعيفة

-قال بدها تقدر تصلّح سيارتها، ما انتِ يادوب عارفة تسوقي من هبلك

-ولية

– وحياة الله هاي البنت مقرفة!! ما بتشوفوها كيف حاملة البيرة وبترقص؟؟؟

– عانس. أصلاً ما حدا بيتطلّع فيها، كانت تجيب الشباب الي بتصاحبهم ع بيتها.. قال حُبْ قال

– أحلى باقة لما واحد بدو يهين صاحبو و يقول له كس أمك! أو يحكي اسم أمو … أو اختو اذا عندو خوات…أو لما أخ يتصل في أبوه يقول له صاحبي شاف بنتك مع واحد في الشارع، شو نعمل؟

-“ضبي صدرك، البسي منيح”…خصوصاً لما يحكيهم الأب و البنت تحس بقمة القرف…

شووو مش بشر احنا؟ بزبطش هلا اللي بيقولو المرأة مكرّمة في الدول العربية يقتنعو شوي بالعكس؟

مين بحب يضيف ؟؟؟

 

 كريستين زايد

اكتب تعليق


الصعود لأعلى